Pasali su puti i vijađi stali
ono pusto vrime ća u meni traje
gren polako već je kasna ura
arija mi po friškini daje.

Umukla su zvona,
a još ćutin kakor mladost,
kakor breca i vonjin vonja
od arije ća je vitar nosi s’mora.

Ovo jarko svitlo, ovo more
kripost ća me kripi, lagodi mi dušu
i prkosi vitrum,
arija mi ofriškala lice.

Lagodan je vaki život
friži kupin i stivajen,
al u kasnu uru, gren polako.
Arija mi po friškini daje.